ԱԺ-ում այսօր տեղի ունեցած միջադեպի մասնակից, ընդդիմադիր «Հայաստան» խմբակցության դաշնակցական պատգամավոր Մհեր Սահակյանը 72 ժամով ձերբակալվել է: Այս մասին լրատվամիջոցների հետ զրույցում հայտնել է փաստաբան Ռուբեն Մելիքյանը, ով ստանձնել է Սահակյանի պաշտպանությունը:
Նա նշել է, որ պատգամավորը այժմ գտնվում է ոստիկանության Արաբկիրի բաժնում, շուտով հավանաբար կտեղափոխվի Երևանի քննչական բաժին (Պարույր Սևակի փողոց): Մելիքյանի փոխանցմամբ՝ Մհեր Սահակյանը ձերբակալվել է անմիջականորեն ծագած կասկածի հիմքով:
