Առնվազն 11 հոգի մահացել է Չինաստանի արեւելյան Չժեցզյան նահանգում, արդյունաբերական օբյեկտներից մեկում ծագած հրդեհի հետեւանքով, տեղեկացրել է Չինաստանի Կենտրոնական հեռուստատեսությունը։ Հրդեհն սկսվել է երկուշաբթի, Պեկինի ժամանակով ժամը մոտ 14.00-ին, Ուի շրջանում, որը Ցզինհուա քաղաքի ենթակայության տակ է։ Պատահարի վայր են ժամանել հրշեջները, բժիշկները եւ ոստիկանությունը։ Իշխանությունները կազմակերպել են փրկարար աշխատանքներ։ Արտակարգ իրադրության պատճառը պարզվում է, վարվում է քննություն։
Ադրբեջանի պաշտպանության նախարար Զաքիր Հասանովը Ղազախստանի իր պաշտոնակից Ռուսլան Ժակսիլիկովի հրավերով պաշտոնական այցով մեկնել է Ղազախստան: Ինչպես հաղորդում են ադրբեջանական լրատվամիջոցները, այցի շրջանակներում կայանալիք հանդիպմանը նախատեսվում է քննարկել երկու երկրների միջեւ ռազմական, ռազմատեխնիկական, ռազմակրթական ոլորտներում համագործակցության զարգացման հեռանկարները, ինչպես նաեւ փոխադարձ հետաքրքրություն ներկայացնող այլ հարցեր:
