ՀՀ կառավարության մամուլի ծառայությունը հաղորդագրություն է տարածել՝ հետևյալ բովանդակությամբ. «Հայաստանի Հանրապետության և Ադրբեջանի Հանրապետության սահմանին գեոդեզիական չափումների հիման վրա՝ կոորդինատների ճշգրտման աշխատանքների շրջանակներում, 2024 թվականի մայիսի 6-ի դրությամբ տեղադրվել է թվով 40 սահմանային սյուն։ Երկու երկրների փորձագիտական խմբերի աշխատանքները շարունակվում են»:
Բագրատ Սրբազանը քիչ առաջ քայլերթի մասնակիցներին տեղեկացրեց, որ առջևում ոստիկանության զորք կա կուտակված և հորդորեց սադրանքի չտրվել, պահել կարգուկանոն։ «Առջևում ոստիկանական զորքեր են, կարմիր բերետավորներ են եկել այս անգամ։ Եթե որևէ մեկը շիշ կնետի, կբորբոքվի, կհարձակվի, ուրեմն իրենց մարդն է»,- ասաց Բագրատ Սրբազանը։
«Այս իշխանության ամեն մի օրը թանկ է արժենում մեր երկրի, մեր պետականության վրա»,- Կիրանցից Երևան քայլերթի ժամանակ ասաց «Հայաստան» խմբակցության պատգամավոր Գառնիկ Դանիելյանը։ Նա նշեց, որ այս իշխանությունը պատերազմ է բերել մեզ, հայրենազրկում, զոհեր։ «Այս ամբողջ պատասխանատվությունն իրենց ուսերին է, որևէ մեկին իրավունք չունեն մեղադրել։ Հայկական Կիրանցը բաժանվում է երկու մասի, որտեղ մի քանի օրից…
