Էջմիածնից 6 անձ բերման է ենթարկվել զենք-զինամթերք պահելու, կրելու կասկածանքով: Այս մասին հայտնել են Ներքին գործերի նախարարությունից՝ այլ մանրամասներ չհաղորդելով։ Ըստ շրջանառվող տեղեկությունների՝ նշված անձինք պատրաստվել էին մասնակցել անհնազանդության ակցիաների։
Ալմաթիում այսօր կշարունակվեն Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի բանակցությունները։ Հիշեցնենք, որ բանակցությունները մեկնարկել էին երեկ։ Բանակցությունների մեկնարկին Հայաստանի, Ղազախստանի և Ադրբեջանի ԱԳ նախարարները հանդես են եկել ողջույնի խոսքերով։ Միրզոյանն ասել է․ «Չպետք է սահմանափակվենք խաղաղության պայմանագրի ստորագրմամբ. կարող ենք առաջ գնալ՝ ապաշրջափակել տարածաշրջանում տրանսպորտային կապուղիները»։
Բագրատ Սրբազանի կոչով Երևանում մարզերում այսօր մեկնարկել են խաղաղ անհանզանդության ակցիաներ: Քաղաքացիները ժամը 11-ից փակել են Հաղթանակի կամուրջը: Զուգահեռ փակ է նաև Թբիլիսյան խճուղին՝ «Երազ» այգու խաչմերուկում, «Սասունցի Դավիթ» կայարանի դիմացի հատվածը: Հիշեցնենք, որ մայիսի 10-ին Հանրապետության հրապարակում մեկնարկած հանրահավաքին «Տավուշը հանուն հայրենիքի» շարժման առաջնորդ Բագրատ Սրբազանը հայտարարեց, որ Հայաստանի 10 վայրերում՝ Երեւանում…
