Month: April 2024

Փակվել է Հայաստան-Իրան միջպետական ճանապարհը՝ Տիգրանաշենի հատվածում։ Քաղաքացիների հետ են նաև ԱԺ պատգամավորներ Արթուր Սարգսյանը և Աղվան Վարդանյանը։

Մի խումբ քաղաքացիներ փակել են Երևան – Գյումրի ավտոճանապարհը, որը այլընտրանքային Հայաստան-Վրաստան մայրուղին է հանդիսանում։ Քաղաքացիների հետ է նաև ԱԺ «Հայաստան» խմբակցության անդամ Մհեր Մելքոնյանը։ Քաղաքացիներն այսպիսով իրենց աջակցությունն են հայտնում Տավուշում զիջումների դեմ պայքարող հայրենակիցներին։ Նշենք, որ Տավուշի մարզի Կիրանց համայնքում ևս ավտոճանապարհը փակ է:    

Մոսկվայի Սուրբ Պայծառակերպության Մայր Տաճարում Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանի հանդիսապետությամբ պատարագ է մատուցվել՝ Հայոց ցեղասպանության 109-րդ տարելիցի կապակցությամբ։ Կատարվել է նաև Հայոց ցեղասպանության Սուրբ նահատակների փառաբանության կարգ, որին ներկա էին Ռուսաստանի Դաշնությունում ՀՀ դեսպանատան պատասխանատուներ, հայ համայնքի ներկայացուցիչներ: