Սեպտեմբերի 20-ին՝ ժամը 22:50-ի սահմաններում, Ադրբեջանի ԶՈւ ստորաբաժանումները հրաձգային զենքերից կրակ են բացել Սոթքի (Գեղարքունիքի մարզ) հատվածում տեղակայված հայկական դիրքերի ուղղությամբ. Այս մասին հայտնում են ՀՀ պաշտպանության նախարարությունից։
ՀՀ վարչապետ Նիկոլ Փաշինյանի կեցավայրի` կառավարական ամառանոցի մոտ, մեծ թվով ոստիկանական ուժեր են բերվել։ Այս մասին հայտնում է Sputnik Արմենիան: Ոստիկանները մի քանի շարքով պատնեշ են կազմել։
Արցախում առնվազն 5 երեխա է զոհվել, 13-ը վիրավորվել։ Նմնա տվյալներ է հրապարակել Արցախի Հանրապետության նախկին ՄԻՊ Արտակ Բեգլարյանը։ Նրա խոսքով, զոհված 2 երեխաների մարմինները ծնողները դեռևս չեն կարողացել գտնել։ Տելագրամի իր էջում Բեգլարյանը տեսապատմություն է հրապարակել յոթ տարեկան Ռուզան Հայրապետյանի հետ, որը տուժել է Սառնաղբյուրում ադրբեջանակն կրակոցներից։
Ադրբեջանի ռազմական ագրեսիայի հետևանքով Լեռնային Ղարաբաղում սեպտեմբերի 20-ի ժամը 21։30-ի տվյալներով՝ զոհվել է առնվազն 200, վիրավորվել՝ ավելի քան 400 մարդ։ Այս մասին Թվիթերում հայտնել է ԼՂ մարդու իրավունքների պաշտպան Գեղամ Ստեփանյանը՝ հղում անելով օմբուդսմենի գրասենյակի հավաքագրած տվյալներին։ «Վիրավորների թիվը քաղաքացիական անձանց շրջանում 40-ից ավելի է, նրանցից 13-ը երեխաներ են։ Այս պահին հաստատվել է 10 քաղաքացիական…
